Um felagið
Fosturforeldrafelagið er áhugafelag fyri fosturforeldur, og verður borið av sjálvboðnum
arbeiði. Øll í nevndini eru fosturforeldur við drúgvum royndum. Vit hava tí vitan og gott innlit í, hvar best er at seta inn í mun til fosturforeldur og børn, sum eru sett heiman.
Endamálið hjá Fosturforeldrafelagnum er:
- At betra umstøðurnar hjá teimum, ið taka børn og ung til fosturs ella umlætting;
- At betra umstøðurnar fyri børn og ung, sum eru til fosturs ella umlætting.
- Saman við myndugleikanum at arbeiða fyri at útbúgva, upplýsa, menna, ráðgeva og
stuðla teimum, sum taka børn ella ung til fosturs ella umlætting.
- At gera avtalu við myndugleikan um setanar- og lønarkor hjá fostur- og
umlættingarforeldrum.
Uppgávan hjá Fosturforeldrafelagnum er ógvuliga fjølbroytt og fevnir um alt frá at samskifta og ávirka politisku myndugleikarnar til at skipa fyri upplýsandi tiltøkum, ráðgeva og at seta á skrá umstøður hjá bæði fosturforeldrum og børnum, sum eru sett heiman.
Fosturforeldrafelagið vil fegin verða ein virkin viðleikari á økinum, og gera okkara til, at fosturforeldur og tey børn, sum eru til fosturs, hava góðar umstøður og trivnað.
Nevndin
Nýggir nevndarlimir og eykalimir vald á aðalfundi 22. mars 2025
Annlis Bjarkhamar
Herdis Justesen
Birna T. Gunnarsson
Randfríð Skorheim Sørensen
Marjun Sørensen
Eykalimir:
Steinvør Albinus
Annbjørg Abrahamsen
Eyðgerð Nattestad Hansen
Katrin Patursson
Ráðgeving
Fosturforeldur kunnu altíð seta seg í samband við fosturforeldra-felagið um tey hava tørv á ráðgeving ella bara onkran at tosa við. Onki er ov stórt ella ov smátt, og vit vilja gera okkara besta fyri at hjálpa.
Til ber at senda teldupost til fosturforeldrafelagid@gmail.com.
Hvønn hósdag millum 18.00 – 20.00 ber til at ringja til okkara á tlf 210345
Ráðgevingin gevur fosturforeldrum møguleika at tosa ella skriva saman við onkrum, sum kennir til tað at vera fosturforeldur, og tí skilir tær avbjóðingar, sum kunnu verða.
Stuðla okkara arbeiði
Fleiri vit eru, meir kunnu vit gera!
Hevur tú børn til fosturs ella umlætting kanst tú tekna teg sum lim við at trýsta her. Sum limur kanst tú brúka ráðgeving okkara og koma til tiltøk, vit hava.
Tað ber eisini til hjá tykkum, sum ikki hava børn til fosturs ella umlætting, at stuðla arbeiði okkara við at trýsta her
Vit eru sera takksom fyri allan stuðul, ið ger stóran mun í arbeiðinum at tryggja fosturforeldrum og børnum, sum koma til fosturs, best hugsandi umstøður.
Sendi eini boð til Fosturforeldrafelagið
Ovara Tvørgøta 1
FO-100 Tórshavn
